262
REGISTRES DU BUREAU
[i554]
et en avions faict estat comme de chose que nous tenions toute asseurée, et craignons qu'elle nous relarde fort et mette en arriere.
"Nous vous envoyons lad. lettre portant deffences ausd, notaires, qu'il vous plaira nous fere expe­dier W.
Monseigneur , "Nous prirons Nostre Createur vous donner sa
grace et en santé bonne vye et longue. "Voz tres humbles obéissans serviteurs, "Les Prevost des Marchands et Eschevins de la
Ville de Paris. "
CCCCLXXV. — Ordonnance touchant les detempteurs des portes de ceste ville,
CY APRÈS TRANSCRIPTE. 7 mars i554. (B fol. 280 v°.)
#e par les Prevost des Marchans et Eschevins de la Ville de Paris.
"Soit commandement à tous les detenteurs des portes de ceste ville de Paris et des maisons qui sont à l'entour d'icelles, suivant les commandemens qui ont esté par cy devant faictz et en iceulx conti­nuant et réitérant, qu'ilz ayent à apporter ou en­voyer au Greffe de lad. Ville, dedans vingt quatre heures à compter du jour et datte de l'execution de ces presantes, les tiltres de baulx qu'ilz ont et en vertu desquelz ilz détiennent lesd, portes et mai­sons ; et de advertir de ce que dessus les principaux preneurs d'apporter ou envoyer les tiltres de leurs prinses parce que l'intention desd. S" est de loger et faire loger esd. portes ou maisons attenant ou joi-
gnans à icelles les portiers de lad. ville pour le bien et utilité de lad. Ville; et au demourant de adviser si les baux ont esté bien et raisonnablement faictz ainsi qu'il a esté advisé par le Roy, el de fere casser et adnuller [ceulz] qui se trouveroient avoir esté faictz au dommage de lad. Ville, suivant les lettres patentes du Roy du moys de Decembre dernier passé (2).
"Soient en oultre advertiz les dessusd, que di­manche prochain de relevée, après vespres, led. Prevost des Marchans et Eschevins se transporteront sur les lieux, et adviseront] là où commodement lesd, portiers pourront estre logez.
«Faict le vu" jour de Mars m vc lui."
CCCCLXXVI. — Ordonnance touchant les Quarteniers, cy après transcripte.
12 mars i554. (B fol. 281 r°.)
Du xii6 jour de Mars m vc lui.
"A esté ordonné qu'il sera enjoinct aux seize Quarteniers de ceste Ville de apporter et mettre au Greffe de ceans, dedans troys jours, les roolles de leurs quartiers de l'année qui commencera le premier jour d'Avril que l'on dira si vc cinquante quatre (3), signé de Mess" les Commissaires, et en retenir autant pardevers eulx, suivant le vouloiret ordonnance du Roy ; qui leur seront baillez, collationnez aux ori­ginaulx, et signez du Greffier de lad. Ville.
"Et aussy qu'ilz ayent à apporter les deniers qu'ilz ont receuz de l'année passée pour satisfaire à ceulx à qui il est deu, et iceulx deniers mettre es mains du Recepveur de lad. Ville.
"Plus, qu'ilz ayent à apporter ung estat abregé des deniers qu'ilz ont receuz et qui restent à recep­voir, par le menu et signé de leurs mains, attendant qu'ilz ayent rendu leurs comptes, ainsy qu'i leur a esté enjoinct de fere."
d' Voir ci-dessous, art. CCCCLXXVII, à la date du 12 mars 1554.
(8) Ces lettres n'ont pas été transcrites aux Registres.
(3) Il s'agit ici de l'année financière, dont l'exercice s'étendait du 1" avril au 31 mars suivant.